«МАНАС» ЭЛ АРАЛЫК АЭРОПОРТУНУН ВИП-ЗАЛЫН КОЛДОНУУ ЭРЕЖЕЛЕРИ
1. Жалпы жоболор:
1.1. Ушул эрежелер Аткаруучу – «ВИП Лаундж» ЖЧКсы (СТИН 02506202510054) менен «Манас» эл аралык аэропортунун ВИП-залынын Колдонуучуларынын (Колдонуучунун жүргүнчүлөрүнүн) ортосундагы өз ара мамилелерди тариздөөгө жайылтылат жана ВИП-залда кызмат көрсөтүү тартибин аныктайт.
1.2. ВИП-залдын иштөө режими – күнү-түнү, дем алышсыз.
1.3. Аткаруучу оңдоо же башка иштерди жүргүзүүдө, залда кызмат көрсөтүү деңгээлин чектөөчү өзгөчө маанилүү иш-чараларды өткөрүүдө ВИП-залга кирүүгө убактылуу, толук же жарым-жартылай чектөө киргизүү укугун өзүнө калтырат.
1.4. ВИП-залды колдонуу укугун берүү боюнча Кызматты алуу үчүн Колдонуучу «Манас» эл аралык аэропортунун ырааттамасы боюнча каттамдын учуп кетүү/келүү убактысына чейин 2 (эки) сааттан кем эмес убакытта тейлөөгө арызды тариздөөсү зарыл. Тейлөөгө арызды жокко чыгаруу же өзгөртүү «Манас» эл аралык аэропортунун ырааттамасы боюнча каттамдын учуп кетүү/келүү убактысына чейин 2 (эки) сааттан кем эмес убакытта аткарылышы керек. 1.5. ВИП-залда тейлөөгө арыздарды тариздөө, өзгөртүү жана жокко чыгаруу тартиби Аткаруучу менен Колдонуучунун ортосунда түзүлгөн келишим менен жөнгө салынат.
2. ВИП-залды колдонуу кызматын көрсөтүү тартиби:
2.1. ВИП-залды колдонуу укугун берүү боюнча Кызматты алуу үчүн Колдонуучу ВИП-залдын кабыл алуу столуна кайрылып, өзүнүн фамилиясын, каттам номерин айтып, каттоо столуна барышы керек, ал жерде диспетчерге каттамга каттоо үчүн инсандыгын ырастоочу документин, ошондой эле, эгер бар болсо, кол жүгүн жана жүктөрүн көрсөтүүгө милдеттүү.
2.2. Учуп кетүүдө: Колдонуучу ВИП-залга алдын ала, эл аралык каттам менен учуп кетүүгө 2 сааттан кем эмес жана ички каттам менен учуп кетүүгө 1,5 сааттан кем эмес убакытта келиши керек, бул каттоодон жана башка учуу алдындагы формалдуулуктардан өтүүгө жетишүү үчүн зарыл. Эгерде жүргүнчүдө кошумча процедураларды жана убакытты талап кылган жагдайлар болсо (ден соолугунун мүмкүнчүлүктөрү чектелген, куралы бар, габариттен тышкаркы жүк ж.б.), аэропортко кошумча процедураларга керектүү убакытты эске алуу менен келүү керек. Каттам учуп кетүүгө 40 (кырк) мүнөттөн аз убакыт калганда же авиакомпания тарабынан белгиленген башка убакытта каттоодон өткөн учурда, Аткаруучу Кызматтарды сапаттуу жана өз убагында көрсөтүү үчүн жоопкерчилик тартпайт жана Колдонуучуга билдирилген каттам менен учуп кетүүгө кепилдик бере албайт.
Эскертүү: Жүргүнчүлөрдү жана жүктөрдү каттоодо авиакомпаниялардын эрежелери жана нормалары колдонулат. Аларга ылайык, жүргүнчүлөрдү каттамга каттоо жана жүктөрдү тариздөө үчүн, учуп кетүүдө жүргүнчүнүн жана жүктүн жалпы залда жайгашкан авиакомпаниянын өзүнүн каттоо столунда жеке катышуусу талап кылынышы мүмкүн. Ошондой эле, бул талаптарга ылайык келбеген учурда, ошондой эле документтерди, авиабилеттердеги маалыматтарды туура тариздөө, декларацияларды толтуруу, визалардын, чыгууга уруксаттардын болушу ж.б. үчүн жоопкерчиликти жүргүнчү тартат. Эгерде жүргүнчү жаныбарлар, курал-жарактар, искусство буюмдары ж.б. сыяктуу атайын тариздөөнү, уруксатты ж.б. талап кылган нерселер менен учса, ташуу үчүн бардык керектүү документтер таризделиши керек, ал эми бул тууралуу маалымат арызда көрсөтүлүшү зарыл.
2.3. Учуп келүүдө: Аткаруучунун кызматкери Колдонуучуну өзү жүрүүчү траптын жанынан же телескопиялык траптан чыгуучу жерден «VIP» деген жазуусу бар такта менен тосуп алат: Колдонуучу Аткаруучунун кызматкерине кайрылып, өзүнүн фамилиясын жана кайсы жактан учуп келгенин айтышы керек. Бир каттам менен келген жана кызматка буйрутма берген бардык Колдонуучуларды тосуп алгандан кийин, Аткаруучунун кызматкери аларды ВИП-залга коштоп барат.
2.4. ВИП-залдарда көрсөтүлүүчү бардык кошумча кызматтар (анын ичинде ВИП-залдын барында жасалган буйрутмалар) Кызматтардын наркына кирбейт жана өзүнчө төлөнөт.
2.5. «Манас» аэропортуна келип түшкөндө жана кол жүгүн тосуп алуучу жерден ВИП-залга чейин ташуу зарыл болгондо, Колдонуучу бул тууралуу Аткаруучуга арызды тариздөөдө билдирүүсү керек. Учуп кетүүдө жана кол жүгүн ВИП-залдан учакка отургузуучу жерге чейин ташуу зарыл болгондо, Колдонуучу Аткаруучуга түздөн-түз ВИП-залда билдирүүсү керек. Жүк ташуучу кошумча акысыз жана мүмкүнчүлүк болгондо берилет.
2.6. ВИП-залдын Кызматтарын көрсөтүү Колдонуучуларды учуу алдындагы жана учуудан кийинки текшерүүлөрдөн, чек ара, бажы, миграциялык, санитардык-карантиндик жана Кыргыз Республикасынын колдонуудагы мыйзамдарында каралган башка көзөмөл түрлөрүнөн, тиешелүү көзөмөл түрлөрүн жүргүзүүнүн эрежелерин жана тартибин аныктаган нормативдик документтердин талаптарына ылайык өтүүдөн бошотпойт.
2.7. Каттамга каттоо жана жүктөрдү тариздөө тартиби жөнүндө маалыматты Колдонуучу каттамды аткаруучу Авиакомпаниядан алдын ала алууга милдеттүү.
2.8. Айрым Авиакомпаниялардын ички эрежелерине ылайык жүргүнчүлөрдү каттамга каттоо жана жүктөрдү тариздөө үчүн, учуп кетүүдө Колдонуучунун жана жүктүн жалпы залда жайгашкан Авиакомпаниянын өзүнүн каттоо столунда жеке катышуусу талап кылынышы мүмкүн. Мындай учурда Колдонуучу ВИП-залдын кабыл алуу столуна кайрылышы керек, ал жерден Аткаруучунун кызматкеринин коштоосунда жана зарыл болгондо жүк ташуучунун коштоосунда Авиакомпаниянын каттоо столуна барат.
2.9. Ушул Эрежелердин 2.12-пунктунда каралган учурда, Колдонуучулардын каттамга каттоодон өтүүсү жана жүктөрдү жалпы залда жайгашкан Авиакомпаниянын өзүнүн каттоо столунда тариздөөсү Кызматтарды талаптагыдай көрсөтүү деп таанылат.
2.10. Жүк келбей калган, бузулган же жүктүн ичиндеги бир бөлүгү жетишсиз болгон учурда, Аткаруучунун администратору ВИП жүргүнчүнү келүү залындагы жүк издөө столуна коштоп барууну уюштурат, андан ары белгиленген тартипте керектүү документтерди тариздөө үчүн.
3. ВИП-залдын Колдонуучулары укуктуу:
3.1. ВИП-залдын тарифтерине жана кызматтардын тизмесине ылайык кызматтарды алууга.
3.2. ВИП-залда эркин жеткиликтүү жайгаштырылган эмеректерди жана жабдууларды максатына ылайык колдонууга.
3.3. Каттамдардын учуп кетүүсү (учуп конуусу) жөнүндө маалыматты түздөн-түз ВИП-залда алууга.
3.4. ВИП-залга үй жаныбарлары менен кирүүгө, эгерде алар ВИП-залда болуу мезгилинин бардыгында өзүнүн ташуучу каражатында жайгаштырылса. Ташуучу каражатсыз, бирок жакасы, тумшугу жана боосу бар болсо, ВИП-залда төмөнкүлөр боло алат: федералдык аткаруу бийлик органдарынын кинологдук кызматынын кызматтык ити, көрүү мүмкүнчүлүгү чектелген Колдонуучуну коштоп жүргөн жол көрсөтүүчү ит. 3.5. Сүйлөшүү (банкет) бөлмөсүн берүү үчүн Аткаруучунун ыйгарым укуктуу кызматкерине кайрылууга. Эгерде бош сүйлөшүү бөлмөсү болсо, ал өзүнчө берилет жана төлөнөт. Арызды тариздөөдө конкреттүү сүйлөшүү (банкет) бөлмөсүн ээлеп коюу ишке ашырылбайт.
3.6. ВИП-залда тейлөөгө байланыштуу бардык маселелер боюнча Аткаруучунун өкүлдөрүнө сунуштар, эскертүүлөр, даттануулар менен кайрылууга.
3.7. Аткаруучу менен макулдашылган шарттарда ВИП-залдын аймагында кино/фото/видео тартууну жүргүзүүгө.
4. ВИП-залдын Колдонуучулары милдеттүү:
4.1. Ушул Эрежелерди сактоого.
4.2. ВИП-залга кирүүдө Аткаруучунун ыйгарым укуктуу кызматкери тарабынан кабыл алуу столунда ВИП-залга кирүү укугун идентификациялоо үчүн жана каттоо столунда каттамга каттоодон өтүү жана жүктөрдү тариздөө үчүн талап кылынган документтерди көрсөтүүгө. 4.3. ВИП-залдын мүлкүнө жана жабдууларына аяр мамиле кылууга.
4.4. Кыргыз Республикасынын колдонуудагы мыйзамдарында каралган чек ара, бажы, миграциялык, санитардык-карантиндик жана башка көзөмөл түрлөрүнүн эрежелерин, тиешелүү көзөмөл түрлөрүн жүргүзүүнүн эрежелерин жана тартибин аныктаган нормативдик документтердин талаптарына ылайык, ошондой эле транспорттук коопсуздук, учуу коопсуздугу жана өрт коопсуздугу талаптарын сактоого. ВИП-залга кирүүдө эвакуация планын окуп чыгуу зарыл.
4.5. Коштоп жүргөн жашы жете элек балдардын аракеттери үчүн, алардын өмүрү жана ден соолугу үчүн толук жоопкерчилик тартууга, жашы жете элек балдарды кароосуз калтырбоого. Аткаруучу ВИП-залдардын Колдонуучулары коштоп жүргөн балдарды көзөмөлдөө боюнча кызматтарды көрсөтпөйт.
4.6. Майыптардын же жашоо-аракети чектелген башка адамдардын арасынан жүргүнчүлөрдү тейлөө зарыл болгон учурда, Колдонуучу же Колдонуучунун жүргүнчүлөрү бул тууралуу Аткаруучуга өз убагында (кызмат көрсөтүлгөнгө чейин эки сааттан кем эмес) билдирүүгө милдеттүү.
4.7. Жаныбар менен учкан учурда, билет сатып алууда авиакомпанияга жана ВИП-залда тейлөөгө арыз берүүдө Аткаруучуга бул тууралуу билдирүүгө. Учуп кетүүдө ВИП-залга каттамдын ырааттамасы боюнча учуу убактысына чейин 2 сааттан кечиктирбестен келүү зарыл.
4.8. Курал-жарак, ок-дарылар жана ага патрондор менен учкан учурда, билет сатып алууда авиакомпанияга жана ВИП-залда тейлөөгө арыз берүүдө Аткаруучуга бул тууралуу билдирүүгө. Учуп кетүүдө ВИП-залга каттамдын ырааттамасы боюнча учуу убактысына чейин 3 сааттан кечиктирбестен келүү зарыл.
4.9. Колдонуучуга көрсөтүлгөн бардык кошумча кызматтарды өз убагында жана толук көлөмдө төлөөгө.
4.10. Үй жаныбары менен кирүүдө өз жаныбарынын жүрүм-турумун көзөмөлдөөгө, башка Колдонуучуларга ыңгайсыздык жаратпоого, ошондой эле жаныбар тарабынан ВИП-залдын мүлкүнө жана жабдууларына зыян келтирүүнү болтурбоого.
4.11. ВИП-залдын жайларында коомдук тартипти жана тазалыкты сактоого, башка Колдонуучуларга жана Аткаруучунун ыйгарым укуктуу кызматкерлерине карата сылык мамиле жасоого. 4.12. Жоголгон жеке буюмдар жөнүндө маалыматты аларды издөө боюнча чараларды көрүү үчүн Аткаруучунун ыйгарым укуктуу кызматкерлерине токтоосуз билдирүүгө.
4.13. Колдонуучунун жана/же аны коштоп жүргөн адамдардын, анын ичинде жашы жете элек балдардын аракеттеринин/аракетсиздиктеринин натыйжасында ВИП-залдын мүлкү жок кылынган же бузулган учурда Аткаруучуга келтирилген зыянды толук көлөмдө төлөп берүүгө.
5. ВИП-залдын Колдонуучуларына төмөнкүлөр тыюу салынат:
5.1. ВИП-залга катталбаган курал-жарак, ок-дарылар, жарылуучу заттар, тез күйүүчү, уулуу, радиоактивдүү, ошондой эле коопсуздукка коркунуч туудура турган же башка өзгөчө (авиациялык) кырсыктын себеби болушу мүмкүн болгон башка кооптуу буюмдар жана заттар менен кирүүгө. Бул талапты аткарбай койгон учурда Аткаруучу Колдонуучуга мурда буйрутма берген Кызматтарды көрсөтүүдөн баш тартууга укуктуу. Кыргыз Республикасынын курал-жарак жана ок-дарыларды алып жүрүү жана ташуу эрежелерин, тартибин жана шарттарын жөнгө салуучу нормативдик укуктук актыларына ылайык, эгерде Аткаруучуга куралды текшерүү жана аны ташууга документтерди тариздөө зарылдыгы жөнүндө билдирилгенден кийин курал-жарак жана ок-дарылар менен Колдонуучуларды тейлөө процедурасы каралса, ВИП-залдын Колдонуучуларына курал-жарак жана ок-дарыларды ВИП-залга алып кирүүгө уруксат берилет.
5.2. ВИП-залга ВИП-залдан тышкары жерден сатып алынган тамак-аш азыктарын, ошондой эле суусундуктарды, анын ичинде алкоголдук ичимдиктерди алып кирүүгө жана колдонууга (балдар тамак-ашы же медициналык сунуштарды сактоо максатында зарыл болгон атайын тамак-аштан тышкары).
5.3. Тамеки чегүүгө арналбаган жерлерде тамеки чегүүгө, анын ичинде электрондук тамекилерди жана буулантуу, жылытуу технологияларын колдонгон башка түзүлүштөрдү колдонууга.
5.4. ВИП-залда алкоголдук, баңги заттык, токсикалык же башка мас абалында болууга.
5.5. ВИП-залдын инфраструктурасын (жабдуулар, эмеректер ж.б.) максатына ылайык эмес колдонууга.
5.6. Уруксатсыз соода жүргүзүүгө.
5.7. Персонал үчүн гана арналган жерлерде (кабыл алуу столу, бар столу, «кызматтык жай» деген такта менен белгиленген жайлар) болууга.
5.8. Балдарды кароосуз калтырууга.
5.9. Жеке буюмдарды жана баалуулуктарды кароосуз калтырууга.
5.10. Укалоо олпок отургучунда отурганда тамак-аш азыктарын жана суусундуктарды колдонууга. 5.11. Коомдук жүрүм-турум нормаларын бузууга (Аткаруучунун ыйгарым укуктуу кызматкерлерин кемсинтүү, башка колдонуучуларга ыңгайсыздык жаратуу, ызы-чуу салуу ж.б.).
